കർഷകർക്ക് കാർഷിക സാമഗ്രികളും സേവനങ്ങളും നൽകുന്നതിന് അഗ്രോ ക്ലിനിക്ക് പ്രവർത്തിക്കുന്നു. പച്ചക്കറി വിത്തുകൾ, ജൈവ കീടനാശിനികൾ, ജൈവ വളം, കാർഷിക ഉപകരണങ്ങൾ തുടങ്ങിയവ ഇതിൽ ഉൾപ്പെടുന്നു. ബാങ്കിന്റെ കൃഷി ഓഫീസർ മുഖേന കർഷകർക്ക് കാർഷിക കൺസൾട്ടൻസിയും ബാങ്ക് ഉറപ്പാക്കിയിട്ടുണ്ട്. ബാങ്കിന്റെ സ്വയം സഹായ സംഘങ്ങൾക്ക് കീഴിൽ സബ്സിഡി നിരക്കിൽ കാർഷിക ഉൽപന്നങ്ങൾ ലഭിക്കുന്നു. കാർഷിക പ്രവർത്തനങ്ങളിൽ കർഷകരെ കൂടുതൽ സജ്ജരാക്കുന്നതിനായി ബാങ്ക് കൃഷി വിദഗ്ദ്ധരുടെ കാർഷിക പരിശീലനങ്ങൾ ഉറപ്പാക്കുന്നു. ആധുനിക സൗകര്യങ്ങളോടെ 100 പേർക്കുള്ള ഇരിപ്പിടം സഹിതം ഒരു നൂതന പരിശീലന സൗകര്യം (സെമിനാർ ഹാൾ) ഒരുക്കിയിട്ടുണ്ട്. മുൻകൂർ ആവശ്യപ്പെട്ടാൽ ഭക്ഷണം ലഭ്യമാക്കുന്നു. സെമിനാർ ഹാളിനെ സ്മാർട്ട് ക്ലാസ്സ് റൂം എന്നാണ് അറിയുന്നത്. വിദഗ്ധർക്കും പ്രൊഫഷണലുകൾക്കും നൈപുണ്യ വികസന ക്ലാസ്സുകൾക്കും അനുയോജ്യമാണ്.
ബാങ്ക് വിവിധ തരത്തിലുള്ള നിക്ഷേപങ്ങൾ സ്വീകരിക്കുകയും അംഗങ്ങൾക്ക് ആവശ്യാനുസരണം വായ്പ നൽകുകയും ചെയ്യുന്നു. വിവിധ ജൈവ ഉൽപ്പന്നങ്ങൾ ഉല്പാദിപ്പിക്കുന്ന സ്വയം സഹായ സംഘങ്ങൾ രൂപീകരിച്ച് പ്രവർത്തനോത്സുകരാക്കി പഴം-പച്ചക്കറി, നെല്ല്, മുട്ട, പാൽ, മുല്ല മൊട്ട് എന്നിവ ഉല്പാദിപ്പിക്കുന്നു. സേവന രംഗത്ത് മനുഷ്യാധ്വാനവും യന്ത്ര സഹായവും ലഭ്യമാക്കിയിട്ടുണ്ട്. ജൈവ വളങ്ങളും ജൈവ കീടനാശിനികളും വിപണനം നടത്തുന്നു.